Entama na gaita asturiana col maestru gaiteru Pedro Pangua, col que tamién deprende a tocar el tambor asturianu. Introduzse nel mundu del curdión diatónicu de mano del curdioneru asturianu Xuan Nel Expósito, formándose tamién en dellos talleres con curdioneros como Alain Pennec, Filippo Gambetta o Ignacio Alfaye. Formó parte de les Bandes de Gaites “Fonte Fuécara” y “La Raitana”. Anguaño dirix la Banda de Gaites "LaKadarma" de Nava. Pertenez a la primera promoción de gaiteros n'algamar el Gráu Profesional de Gaita nel Conservatoriu Profesional de Música d'Uviéu.
Tien collaborao colos grupos “Xera”, “Desakato” y la banda d'Anabel Santiago.
Anguaño Rodrigo ye profesor de gaita asturiana na Escuela Municipal de Música de Nava.