A banda de metal Invivo publica novo disco, Cárcavas, tras a experimentación dunha metamorfose. As modificacións apareceron motivadas a raíz duns problemas na voz orixinal do grupo, Mario César a inicios de 2013. Cos temas practicamente rematados para entrar no estudo, deciden apostar polo paso da testemuña do micro a Roberto Filgueira.
Invivo presenta agora Cárcavas, a forza da natureza arrasando as terras malas, abrindo longas fendas, físicas e emocionais,…
Producido por Iago Pico e Invivo nos Pousada Son Estudios de Ames (A Coruña) entre novembro de 2013 e marzo de 2014, cun deseño de Laura Riveiro e vídeo oficial ideado e dirixido por Lois Rodríguez.

Invivo presenta o seu segundo disco DOGMA (2011) editado polo selo A.C.I. de recente creación. O disco consta de 11 cortes gravados por Iago Pico e Diego López e mesturados e masterizados por Iago Pico nos Estudos Pousada Son de Ames (GZ), con quen o grupo comparte producción.

A banda compostelá de metal cru INVIVO edita con Producciones Malditas o seu primeiro longa duración, “INTROVISIÓN”. O disco aparece distribuído en tendas por Lonxa Cultural e na rede a través de Producciones Malditas. Consta de 13 temas propios gravados e mesturados por Yago Pico en Pousada Son Studios de Ames (GZ), con quen o grupo comparte produción e masterizados por Peter In de Betou en Tailor Maid Studios de Suecia (Messuggah, Arch Enemy, Dark Tranquility, Nasum, Millencolin, Coilbox,…). Destaca así mesmo unha coidada presentación cun deseño realizado por Matías Ascariz e fotografías de Martín Rendo (SUVE Estudio).